.comment-link {margin-left:.6em;}

9.21.2005

飲食之女(一)

※不是水晶宮


  如果你以為我又想講水晶宮,便大錯特錯。
  這裏是新宿排長龍居酒屋。某夜,飢腸轆轆亂打亂撞闖入,店裏燈光很微弱,想要營造格調及氣氛吧,站在接待處等了大概五分鐘,對於一個肚裏鼓聲雷動,雙腿又行到發軟的人來說,五分鐘確實非常漫長,一個侍應都看不到,他們忙得在裏面打圈,無暇理會等候中的客人,真令人等得不耐煩。最憎等位又疲憊不堪的E開始要埋怨了,黑暗中,突然傳來怪叫聲,循聲一看,才發現我靠著的玻璃是一孖企鵝的住處。
  不禁要講句,間居酒屋幾搞鬼又巴閉,竟然有企鵝睇,真以為行錯入水族館,咁樣情況下,無幫襯都要拍照留念。



  搭電梯落幾層到別店,還是要等。
  就坐後,旋風式點了菜,呷呷茶、抹抹手,難掩焦灼的心情。這頓晚餐就只為頭兩道菜(見上圖)拍照,因為動筷後,只顧食食食,其他都忘了。

※將冰山劈開


  睇我臉紅紅就知道是夜飲了「啦媽B-Lu」。
  鍾意思出一橫丁的風味,情形有點像香港的大排檔,污糟邋遢又很真實近民情,不似大型居酒屋的矯揉造作。幾年前,第一次在這陋巷中吃「梳爸」,見到冷面師傅無停手,稍有一分鐘喘氣機會,便走入後巷,果然,不消一分鐘,師傅邊整理褲子邊走出來,好似應該九成九無洗手囉﹗然後又埋首(手)工作。望住自己碗食得七七八八的「梳爸」,無言。
  這回,在無選擇餘地下,有點無奈地走進琦玉屋,因為其他店實在針插不下了。老實講,兩位年輕師傅的手勢麻麻,尤其是串燒,不過有個煮牛肉就「哀思笛詩呢」,就是這碗肉腍入味煮牛肉打破了我們之間的語言隔閡,四個人英日語並用再加紙筆傳意總算打開話匣子。
  後來,一位琦玉屋的熟客仔,仲表演Henry哥哥最耍家的小魔術畀我們兩位異鄉人睇,又難怪我對日本有好感。師傅又主動問關於香港迪士尼開幕的事,不過,他說不會因此到香港一遊,當然啦,知道呢個樂園真細小,興趣都大減﹗


左:琦玉屋飲樣      右:下北沢下午茶

  下北沢,無論是店,還是食與物都要耐心發掘,細心尋找。這店分兩層,樓下是吸煙區,上層近窗口位最搶手,可覽街上人物,自是一樂。店以自家製糕餅招徠,不過,我點的吞拿魚三文治簡簡單單都好好味,麵包勝過香港食店用的,而且烘得剛剛好,睇我食到定晒格,就知道好味啦﹗



下回預告:飲食之女(二)

Comments:
嗰分吞拿魚三文治相當吸引!

關於re-contruct單case,你提到:你可多看別人的blog,看到合適的color可以抄code的,只要選檢視原始檔便可!

(1)點樣可以檢視到人地0既原始檔同埋喺邊到抄code?
(2)如果我想揾一啲心水templates例如"史力奇"之類0既template,知唔知可以係邊到揾到?
 
刺身旁那張相是不是蟹麵?
好似好正咁。

真係好鍾意你個「飲樣」……
 
我都好鐘意思出一橫丁呀,不過我只係路過。想食,但很怕那裡的人不停食煙,臭死人。

d野食好似好好味呀!我無啖好食好耐啦,日日食芋絲雜菜煲,都唔知幾時捱唔住,真係羨慕死你啦!
 
miu,
唔,真係好味架﹗

瑮,
對,是蟹麵,味道無賣相咁正。
但係刺身就真係好好好好味﹗

katkat,
今次我去左兩晚呀,不同的店。始終冬天去會好d啦,夏天真係熱到爆錶,仲要響你面前燒,又真係幾惡頂架。
唉,你要減月巴就無計啦,希望你減月巴成功﹗
 
Post a Comment

Links to this post:

Create a Link



<< Home

This page is powered by Blogger. Isn't yours?