.comment-link {margin-left:.6em;}

8.22.2005

怪癖...中招

看見Blog友玩怪癖傳染病,心很想玩,等了又等,以為不會中招的了。

怪癖一:啪腳趾
見周公前愛啪腳趾,同房好友Li就投訴過,那持續不斷的啪啪聲好恐怖又擾人入眠。其實只是幫腳趾鬆鬆筋骨罷了,可能日子有功,我可以啪好耐,應該可以不停咁啪幾十下,曾經以為自己要創健力士紀錄的(哈哈﹗),為此Li曾戲言,中文之夜要我表演啪腳趾絕技。
不過,可憐的腳趾公做過兩次手術之後,竟然啪不了,可惜可惜。

怪癖二:咬嘴唇
這是由小到大改不了的惡習,兩個情況下,你會見我咬嘴唇——睡覺中或好眼睏時,就像BB仔眼睏要咬奶嘴一樣。小時候,會起勢咁咬,咬中又帶啜,因為這樣好醜樣又會搞到哨牙,於是媽便在我唇上塗白花油或兜巴星我個嘴,可惜完全不見效。現在,我還會咬,只是病情減輕了。

怪癖三:愛穿無帶Bra
買Bra時,除了顧及靚唔靚與舒適度外,最重要是Bra帶可以除下。買新Bra回家後,我會急不及待把Bra帶除下,無論穿背心、No Cut,還是包到上頸的樽領,都是穿無帶Bra。

怪癖四:揀紅色唔揀白色
兩款食物要我揀,通常會從顏色入手。例如:羅宋湯與忌廉湯、拿破崙意粉與白汁蜆肉意粉、西冷牛扒與龍脷柳、紅酒與白酒。至於點解,我都唔多清楚,可能因為我熱情啩,又可能因為我係獅子座。

怪癖五:吞藥丸頭要向後chock
除了自認是數學白痴,吞藥丸都好低能,除了子彈形膠囊或細細粒會無事,試過多次吞不下大粒藥丸,尤其是遇水即溶一種,搞到會嘔,好失禮,曾幾何時嚴重到要「顏」碎藥丸成粉吞下,所以吞藥時,習慣大動作地要向後大力一chock,幫助吞落肚。


點名時間,嘻嘻,到你們了﹗
1.瑮頭
2.大隻妙
3.katkat
4.向仁
5.安仔

Comments:
路過..
咪講笑,可能真係入到健力士架bor :o
 
看你的blog,喚起不少讀書時的片段,好懷念啊……但我印象中,好像沒有見過你有紅色的底……哈哈!
 
想找找看,我們會不會有相同的怪癖。大概咬嘴唇是吧,不過我咬嘴唇是另有原因的,詳情請看我即將會寫的怪癖。
 
stacky,
勿友今日自爆佢啪腳趾都好勁ga bor,唔知係咪吹水,唔記得約佢比試一下添﹗

Li,
我指的揀紅唔揀白,是食物方面
至於底呢家野,同你訓咁耐都唔怕話你知,我有好多色,所以係有紅色ge,只係你無記性。

katkat,
等左你好耐啦,條頸長晒啦,快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快快...
 
"揀紅色唔揀白色", 我都好似有....well, 或許我喜歡茄汁而已....

"吞藥丸頭要向後chock" 唔work, 重要小心整親條頸..... :p
 
第二個路過﹐見你的怪癖一﹐睇來就湊夠人搞「啪啪會」。

http://kahsone.blogspot.com/2005/08/five-weird-habits.html
 
damn good blog, check out mine http://juicyfruiter.blogspot.com, comments always welcome!
 
怪癖一:同你一樣, 唔知由幾時開始鍾意起咬口唇;但情況有啲唔同, 你咬口唇係要咬到佢厚一厚為止, 但我咬口唇就係要咬到佢流血為止(聽落有啲恐怖),唔流血都誓要佢紅紅腫腫為止, 勁!

怪癖二:又同你一樣, 臨0訓前總要啪吓腳子,好似貝多芬一樣, 唔"彈"唔安樂!

怪癖三:好邪, 又同你一樣;選食物哽唔會選白色的(但呢個癖巳有所攺善!)

怪癖四:咳嗰陣個嘴唔知點解總係拉到好長,長到好似要嘴隔離枱個阿伯一樣, 勁肉酸!

仲有好多不能詳録!
 
to lawman,

嘩,靚仔呀﹗
http://www.alivenotdead.com/
 
Post a Comment

Links to this post:

Create a Link



<< Home

This page is powered by Blogger. Isn't yours?