.comment-link {margin-left:.6em;}

8.16.2005

吃釀雞翼好幸福

吃過母親大人炮製的釀雞翼,也談談肚裏的釀雞翼。

你懂得釀雞翼嗎?
要是你懂得做,那麼做過了沒有?
這道菜花工夫又考手勢,去骨釀饀料的過程中,力度要適中,剛柔並重,先要使力扯出骨,釀入饀料時又不能粗枝大葉,否則賣相不佳。很多人在餐館吃過,卻沒有做過,可能因為他們不懂,又可能因為他們沒這心思。

母親和父親烹飪都有一手,親友個個吃得直豎姆指,可惜,我沒有承繼他們的巧手。好食懶做又粗手粗腳如我,不懂,更沒耐性。還是個小學生時,我已經知道自己入不得廚房,不會是個好煮婦。硬著頭皮要我煮這道菜的話,雞翼定必甩皮甩骨、吃時肉中摻著碎骨、味道太鹹、外皮太燶、饀料未熟透。能夠見識又吃到的人,福氣匪淺。

似乎熱戀中的小姐,即使平常是十指不沾楊春水的千金,為了顯示廚藝和賢淑,會擺這道菜上枱;初歸新抱要討婆婆歡心,也擺這道菜上枱,以顯手勢。一碟外皮金黃、脹卜卜的釀雞翼上枱,咬下去啖啖肉,小朋友吃得歡喜。

釀雞翼可以成為一道幸福小菜,吃的人幸福,做的人也覺著幸福。

友儕中,愛入廚的不多,我想,沒有人做過這道菜。 鍾情整餅的Law記,試過焗椰撻卷壽司炒蜆炒聖子煲冬蔭功湯,未聞炮製過剝骨雞。 荷蘭大隻妙為了不懂lun骨的「法lan-D」,把海南雞飯變種,剝皮又拆骨,吃的人幸福,做這道菜的人也流露一副幸福快樂相。

附:釀雞翼步驟
(1)置雞翼於砧板上,翼面先向下,用菜刀斬入大的一面,但不要切斷。
(2)反出切口,把雞肉推向另外一面。
(3)緊執雞翼骨,一拉把肉脫出,剪去骨頭,出骨便完成。
(4)反出雞翼裏面,置碗內,加入調味料拌勻,再將雞翼反入,恢愎原狀。
(5)每隻雞翼中空釀入喜愛的饀料。

Comments:
Well....I'm hungry again after read your post.... :-P
 
yummy~yummy~
睇見都口水流滿地!

你媽媽廚藝了得,點解你食唔肥架~~~
真羨慕!!!
 
我媽會釀入芋頭,然後攞去炸,正到爆!
 
圖都搵埋,好心你就自己煮下啦!
山西電力!
 
圖都搵埋,好心你就自己煮下啦!
山西電力!
 
圖都搵埋,好心你就自己煮下啦!
山西電力!
 
karson,
呢道菜係幾ok架,
不過,好食還好食,一兩件就夠,又查實我唔係咁鍾意呢味野,因為搞咁多野好似有dd無謂同搵工夫黎做,寧願食番普通一隻雞翼。

onchai,
其實係我d相呃得下人,實在係依家肥到爆,只係我無li咁誇晒大張成排骨仲話要減肥者,矇周周同w睇到你ge留言一定笑到碌地。

katkat,
我諗,就係因為媽咪煮野好食,搞到我地咁鍾意食食食食……

w,
本小姐肯下廚,一定煮得叻過你羅﹗
況且我ge電力已經夠驚人,出得廳堂又入得廚房ge話,恐怕我派ge籌,你拍馬都追唔上﹗
 
我很少吃到好吃的釀雞翼,加上你的做法步驟,我又睇唔明,什麼叫「把雞肉推向另一邊」?
我都係想吃一隻普通的雞翼多d。
 
Post a Comment

Links to this post:

Create a Link



<< Home

This page is powered by Blogger. Isn't yours?